Тошкентда таэквондо бўйича халқаро ўқув-машғулот йиғини ўтмоқда

Унда терма жамоамиз вакиллари қатори Афғонистон, Украина ва Грузиядан келган таэквондо усталари ҳам иштирок этишмоқда.

Йиғинда Ўзбекистон терма жамоаси ҳар бир вазн тоифасида асосий спортчилар билан иштирок этаётган бўлса, қолган мамлакатдан қуйидаги таэквондо усталари ташриф буюрган: Заҳро Мирзае, Сомаеҳ Ғуломи, Муҳсин Ризое, Фарзад Мансури, Моҳд Башир Тараки, Ҳуссайин Лутфи, Ҳикматуллоҳ Зайн, Омид Саҳак (барчаси Афғонистон), Бека Кавтарадзе, Зураб Кинцурашвили (иккиси Грузия), Ирина Ромолданова, Татьяна Тетеревятникова, Бондарь Владислав, Вороновский Денис (барчаси Украина). Шунингдек, ҳар бир жамоадан 1 нафардан мураббийлар ҳам йиғинда қатнашмоқда.

Таъкидлаш жоиз, ушбу қўшма йиғинлар жамоамизни баҳорда ўтадиган лицензион мусобақа ва Осиё чемпионатига тайёрлашда асосий босқичлардан бири бўлиб хизмат қилади.