Тошкентда “Ватанпарварлик акцияси” кичик марафони ўтказилди + ФОТО

Бу ҳақда Мудофаа вазирлиги Ахборот ва оммавий коммуникациялар департаменти хабар бермоқда. Марафонда вазирлик, Қуролли Кучлар хизматчилари ҳамда Мирзо Улуғбек тумани ўқувчи-ёшлари, шунингдек, фахрийлардан иборат 2 мингдан ортиқ фуқаро иштирок этди.

Кичик марафон давомида уч авлод, яъни фахрий ҳарбийлар, офицер бўлиш орзусида ҳарбий таълим муассасаларида сабоқ олаётган курсантлар югуриш финиш чизиғига қадар югурдилар.

Биринчи ўрин Тошкент ҳарбий округидан кичик сержант Владислав Мамедов (15 дақиқаю 31 сония), 2-ўрин Қуролли Кучлар академияси курсанти Нуриддин Раҳматов (16 дақиқаю 28 сония), 3-ўрин Тошкент ҳарбий округидан лейтенант Темур Умматов (17 дақиқаю 9 сония)га насиб этди.

Марафон сўнгида ғолибларга мудофаа вазирининг тарбиявий ва мафкуравий ишлар бўйича ўринбосари полковник Ҳамдам Қаршиев диплом ва эсдалик совғаларини топширди.

Суратлар муаллифи - Алимурод МАМАДАМИНОВ