07 апр 13:15
Янгиликлар
Бокс/ММА
Тошкентда йирик профессионал бокс оқшоми ўтказилади
29 май куни пойтахтимиздаги Humo Arena мажмуасида Олимпия чемпионлари ва Жаҳон профессионал бокси юлдузлари иштирокида катта профессионал бокс кечаси ташкил этилади.
Мазкур нуфузли спорт тадбири WBC Eurasia, Ўзбекистон профессионал бокс федерацияси ҳамда Lift Promotion ҳамкорлигида ўтказилади. Беллашувлар давомида халқаро рейтинг очколари учун курашлар билан бирга айрим вазн тоифаларида WBC Eurasia чемпионлик камарлари соҳиблари ҳам аниқланади.
Маълумот ўрнида таъкидлаш жоиз, WBC Eurasia ташкилоти 2025 йил декабрь ойида МДҲ ва Қора денгиз минтақаси бокс бюроси негизида қайта ташкил этилган бўлиб, унга таниқли спорт функционери, ўзбекистонлик Ғофур Раҳимов раҳбарлик қилиб келмоқда.
Тез орада мусобақа кардидан ўрин олган жанглар ҳақида хабар берилади.
Ҳавола :
Манба : Olamsport.com
Фикрлар