Тошкентдаги "Эко Боғ"да "Спорт сайли" ўтказилмоқда

Ушбу спорт байрамида Тошкент шаҳридаги барча болалар-ўсмирлар спорт мактаблари тарбияланувчилари, шаҳар, Республика ва халқаро мусобақа ғолиблари иштирокида спорт чиқишлари, бошқача қилиб айтганда «Мастер класс»лар намойиш этилмоқда.

Тадбир давомида психологлар гурухи томонидан турли тестлар, спорт федерациялари томонидан қизиқарли спорт ўйинлари ҳам ташкил қилинган. Унда ўзбек спорти юлдузлари ва спорт фахрийлари ёшлар билан жонли мулоқот олиб боришмоқда. Тадбир орқали ёшларни БЎСМларга жалб этиш, ижтимоий ҳимояга муҳтож оила фарзандлари учун сузиш ҳавзаларига мавсумий имтиёзли йўлланмалар тақдим этиш масалалари ҳам кўриб чиқилмоқда.

Аҳамиятлиси, тадбирга ички назоратга олинган ўқувчилар, маҳаллаларда истиқомат қилаётган уюшмаган ёшлар, жумладан, ғайри-ижтимоий муҳит, жиноятчилик ва ҳуқуқбузарликка мойиллиги бўлган ёшлар ҳам таклиф қилинган.

Мазкур спорт байрами бугун 17:00гача давом этади.