28 июн 15:17
Янгиликлар

Бокс/ММА

Тошкентдаги Жаҳон чемпионатида кумуш медални қўлга киритган Дулат Бекбауовнинг проф боксдаги илк рақиби ва жанг санаси маълум бўлди

Қозоғистонлик боксчи Дулат Бекбауов профессионал боксдаги биринчи жангини ўтказади.

У 11 июль куни Олма-Ота шаҳридаги "Балуан-Шолак" аренасида ташкил этиладиган проф бокс турнирида рингга чиқади.

Дулатнинг проф боксдаги илк рақиби конголик Мариос Матамба бўлади.

30 ёшли африкалик чарм қўлқоп устаси профессионал миқёсда 15 та жанг ўтказиб, 13 тасида ғалаба қозонган, 2 та баҳсда имкониятни бой берган.

Эслатиб ўтамиз, Дулат Бекбауов 2023 йилда пойтахтимизда бўлиб ўтган IBA Жаҳон чемпионати финалида ҳамюртимиз Асадхўжа Мўйдинхўжаевга имкониятни бой берган.