06 май 17:58
Янгиликлар
Бокс/ММА
Тошкентдаги Octagon 72 турнири учун яна иккита жанг эълон қилинди
Хабарингиз бор, 11 май куни пойтахтимиздаги "Ҳумо арена" мажмуасида ММА бўйича Octagon 72 турнири ўтказилади.
Ташкилотчилар мусобақадан ўрин олган навбатдаги икки беллашувни эълон қилди.
Унга кўра, ярим оғир вазн тоифасидаги ўзбекистонлик аралаш якка кураш устаси Абдуқодир Абдуворисов (7-1-0) турнир доирасида Қирғизистон вакили Элдияр Калибеков (6-2-0) билан тўқнаш келади.
Бундан ташқари, яна бир ҳамюртимиз Асадбек Қаҳҳоров (6-3-0) Тошкентдаги мусобақада тожикистонлик Фарҳод Давлатов (8-4-0) билан тўқнаш келади.
Octagon 72 турнирининг марказий жанги Лига чемпиони, ўзбекистонлик Достон Бозоров ҳамда Тожикистон вакили Фазлиддин Мадраҳимов ўртасида кечади.
Ҳавола :
Манба : olamsport.com
Фикрлар