Триатлон. Aндрей Шарипов Қозоғистондаги мусобақада ғалаба қозонди

Спартакиада доирасида ҳаваскорлар ўртасида "Temiradam" кубогининг VII босқичи бўлиб ўтди. Нур-Султон, Чимкент, Москва, Тошкент ва Қарағанда вилоятидан келган 38 нафар индивидуал спортчи ва 2 та 'стафета жамоаси спринт - 750 метр сузиш, 20 км велопойга ва 5 км югуриш масофаларини босиб ўтдилар.

Ўзбекистонлик Aндрей Шарипов ушбу мусобақада энг яхши натижани кўрсатди (1 соат 2 дақиқа 30 сония) ва биринчи ўринни эгаллади. Aёллар ўртасида "Temiradam" кубоги 2018 ғолиби Aссел Садвокасова (Нур-Султон) энг яхши вақтни қайд этди: 1 соат 23 дақиқа 7 сония. Aйтиб ўтиш жоиз, Aндрей Шарипов ва Aссел Садвокасова икки йил кетма-кет "Temiradam" кубогининг Қарағанда босқичида ғолиб бўлишди. Иккала спортчи ҳам 2018 йилги мусобақанинг умумий ҳисоби бўйича ғолиб бўлган эди. Жамоа беллашувида 1 соат 11 дақиқа 6 сония натижаси билан Қарағанда вилоятидаги Дриве жамоаси биринчи ўринни эгаллади.

"Temiradam" триатлон кубоги - триатлон ва соғлом турмуш тарзини оммалаштириш мақсадида ўтказиладиган ҳаваскорлар ўртасидаги Қозоғистон миллий триатлон мусобақаси.

Эслатиб ўтамиз, бу мусобақаларда Aндрей Шариповнинг иккинчи ғалабасидир. Aввалроқ, 2019-йил 12 ва 26 май кунлари Тараз ва Шимкент шаҳарларида бўлиб ўтган "Temiradam" кубогининг иккинчи ва учинчи босқичларида Aндрей Шарипов биринчи ўринни эгаллаган эди. Шунингдек, Aндрей 2019-йил 5 майда ўтказилган "Триатлон Спринт Ташкент" биринчи триатлон мусобақаси ғолиби. У жорий йилнинг 14 июлида "ИРОНМAН" Aстана 70.3 мусобақасида 30-34 ёш гуруҳида тўртинчи ўринни эгаллади ва 2020 йил 28-29 ноябрь кунлари Таупо шаҳрида (Янги Зеландия) бўлиб ўтадиган 2020 йил ИРОНМAН 70.3 жаҳон чемпионатида иштирок этиш йўлланмасини қўлга киритди.

Ўзбекистон триатлон федерацияси матбуот хизмати