29 янв 14:56
Янгиликлар

Футбол

Трубин ЕЧЛ тарихида фақат 4 нафар дарвозабонга насиб этган муваффақятни қайд этди

"Бенфика"нинг украиналик дарвозабони Анатолий Трубин Чемпионлар Лигаси тарихида фақат 4 нафар посбонгина эришган натижани такрорлади.

Бу ҳақда "Opta Sport" маълум қилди.

Манба маълумотларига кўра, Трубин УЕФА Чемпионлар Лигасида гол урган бешинчи дарвозабонга айланди. Ундан олдин Ханс-Йорг Бутт (3 та гол), Синан Болат, Винсент Эньеама ва Иван Проведель (ҳар бири 1 тадан гол) бундай кўрсаткичга эришган.

Эслатиб ўтамиз, аввалроқ Трубин Чемпионлар Лигаси умумий босқичининг сўнгги тури доирасида мадриднинг "Реал" жамоасига 90+8-дақиқада гол урганди (4:2). Гол стандарт ҳолатдан кейин урилди.

Ушбу гол "бургутлар"га Чемпионлар Лигаси плей-офф босқичига чиқиш имконини берувчи 24-ўринда якунлашга ёрдам берди. "Реал" умумий жадвалда тўққизинчи ўринни эгаллаб, ўтиш босқичига йўл олди.