06 июл 05:59
Янгиликлар

Теннис

Тунислик теннисчи "Уимблдон" 1/2 финалида

Лондонда ўтказилаётган "Катта Дубулға" туркумига кирувчи "Уимблдон" турнири ўзининг ҳал қилувчи палласига етиб келди.

Аёллар ўртасидаги баҳсларда ярим финалнинг дастлабки иштирокчиси маълум бўлди. Сайёрамизнинг иккинчи ракеткаси Онс Жабер биринчилардан бўлиб 1/2 финал чиптасини қўлга киритди. Тунислик теннис маликаси WTA рейтингида 66-поғонадан жой олган чехиялик Мари Бузковани мағлуб этди - 3/6, 6/1, 6/1.

Бир юз тўққиз дақиқа давом этган баҳсда теннисчилар биронта ҳам эйс зарбани ижро эта олишмади. Бу уларнинг ўзаро ўтказган илк учрашуви эди. Жабер фаолиятида илк бор "Катта Дубулға" турнири 1/2 финалида кортга чиқади.