20 авг 15:46
Янгиликлар

Бокс/ММА

Турки Ал аш-Шейх Иноуэ - Родригес жангини ташкил қилиш билан шуғулланмоқда

Биринчи ярим енгил вазн тоифасида мутлақ жаҳон чемпиони Наоя Иноуэ ва америкалик Жесси Родригес ўртасидаги жанг учун Японияда икки стадион брон қилинган.

АҚШнинг енгил вазн бўйича жаҳон чемпиони Жесси Родригес The Ring P4P рейтингида тўртинчи, Иноуэ эса биринчи ўринни эгаллаб турибди. 26 ёшли Родригес бу жанг учун вазнни оширишга тайёр.

Дастлаб Иноуэ жамоаси бу жангни Нагоядаги 17 минг томошабин сиғадиган IG Arena стадионида ўтказишни режалаштирган эди, аммо кейин Турки Ал аш-Шейх жангни ташкил қилишга қизиқиш билдирган.

У Японияда Riyadh Season бренди остида катта турнир ўтказмоқчи, шу боис февраль ойида Иноуэ ва Родригес жанги учун Фукуокадаги 40 минг томошабин сиғадиган Mizuho PayPay Dome стадиони брон қилинган. 1993 йилда ушбу стадионда рестлинг шоусига 55 минг томошабин тўпланган.

Март ойида эса 57 минг томошабин сиғадиган Tokyo Dome стадиони брон қилинган, бу ерда Иноуэ аввалги жангини Дзюнто Накатанига қарши ўтказган.

Шунингдек, Riyadh Season иштирокчиларнинг мукофот пулларини оширишга тайёр. Улар Родригесга Япониядаги жанг учун бир миллиард йендан (6,2 миллион доллардан) ортиқ таклиф қилмоқда, Иноуэга эса тахминан беш баравар кўпроқ.

Айтилишича, Родригес жамоаси ҳали таклифга жавоб бермаган, чунки у йил охирида WBO енгил вазн чемпиони Кристиан Мединага қарши бирлаштирувчи жанг ўтказишни режалаштирмоқда.