"Turkish Open-2026" мусобақасида 8 та медал қўлга киритилди. Эркаклар ўртасидаги беллашувларда тенгсизмиз!

Мусобақанинг сўнгги кунида эркаклар ўртасидаги жанглар ўтказилди. Эътиборлиси, унда вакилларимиз 3 та олтин ва 2 та бронза медалларига эга чиқишди.

Олтин:

Дилмурод Маъруфжонов (54 кг)

Омонжон Отажонов (58 кг)

Жасурбек Жайсунов (80 кг).

Бронза:

Жаҳонгир Худойбердиев (54 кг)

Диёрбек Тўхлибоев (68 кг).

Эслатиб ўтамиз, 30 март куни бўлиб ўтган аёллар ўртасидаги беллашувларда терма жамоамиз аъзолари биттадан олтин, кумуш ва бронза медалларини қўлга киритишган эди. 

Шу тариқа, Ўзбекистон миллий терма жамоаси "Turkish Open-2026" мусобақасини 4 та олтин, 1 та кумуш ва 3 та бронза, жами 8 та медаль билан якунлади. Эркаклар жамоамиз мусобақада Россия, Қозоғистон ва Туркия терма жамоаларини ортда қолдирган ҳолда пешқадам бўлди.