"Turkish Open". Таэквондочиларимиз 3 та медаль қўлга киритишди

Дастлаб пумсэчилар, сўнгра кадетлар ва ўсмирлар ўртасида мусобақалар бўлиб ўтди. Турнирнинг сўнгги икки кунида катталар тоифасида ғолиблар аниқланди. Ўзбекистон миллий терма жамоаси ушбу мусобақада 2 та кумуш ва 1 та бронза медалига эга чиқди. 

68 кг вазн тоифасида Нажмиддин Қосимхўжаев беш нафар рақибини мағлуб этиб, финалга қадар етиб борди. Финалда кореялик спортчига омад кулиб боқди. 80 кг вазн тоифасидаги Шуҳрат Салаев эса уч рақибни таслим этиб, финалга чиқди. Финалда польшалик таэквондочига кичик ҳисобда имконият бой берилди. 

+87 кг вазн тоифасида эса Шоҳруҳ Ражабов икки рақибдан устун келиб ярим финалга қадар борди. Афсуски, ярим финалда озарбайжонлик спортчига ютқазиб қўйди. 

"Turkish Open" мусобақаси совриндорлари: 

Кумуш

68 кг - Нажмиддин Қосимхўжаев

80 кг - Шуҳрат Салаев

Бронза

+87 кг - Шоҳруҳ Ражабов