Туркия терма жамоаси мураббийи: Ўзбек боксчилари билан машғулотларда тажриба алмашмоқдамиз

Биз ушбу йиғин ҳақида Туркия терма жамоаси бош мураббийи Реймундо Замора (Куба) билан қисқа суҳбат ташкил этдик. 

"Ўзбекистонга иккинчи марта ташриф буюришим. Бунгача аввал ҳам юртингизда бўлганман. Ҳозирга қадар Токио Олимпиадасига битта лицензияни нақд қилиб қўйганмиз. Европада лицензион мусобақалар тўхтаб қолганди. Келаси йили давом этадиган лицензион мусобақада яна Олимпия ўйинлари учун йўлланмаларга эга чиқишни мақсад қилганмиз.

Ўзбекистон терма жамоаси боксчилари билан бирга машғулот олиб бориб, ўзаро тажриба алмашмоқдамиз. Бу ердаги шарт-шароитлар ажойиб. Ўқув-машғулот йиғинлари олиб бориш учун барча шароит бор экан", - деди Реймундо Замора.