31 дек 10:25
Янгиликлар

Бокс/ММА

Турли вазн вакиллари Царукян ва Шара Буллет ўртасидаги жанги кутилмаган натижа билан якунланди

Арманистон пойтахти Ереван шаҳрида HYPE FC промоушени ҳомийлигида навбатдаги турнир бўлиб ўтди.

Оқшомнинг асосий жанги арманистонлик Арман Царукян ва россиялик Шара Буллет номи билан танилган Шарабутдин Магомедов ўртасидаги грепплинг баҳси бўлди. Беллашув сабмишн-онли қоидалари бўйича олти дақиқа давом этди. Спортчилар бу вақтга дош бера олмади ва бунинг натижасида жанг дуранг деб топилди.

Иккала аралаш яккакураш устаси ҳам UFC’да иштирок этади. Царукян енгил вазн (70 кг гача), Шара Буллет эса ўрта дивизион (84 кг) вакили ҳисобланади. Аралаш яккакурашларда Магомедов ҳозиргача 17 та жангда иштирок этиб, 16 ғалабага эришган, шундан 12 тасида нокаут билан зафар қучган, ҳисобида битта мағлубият бор. Царукян ММАда 23 та ғалаба (тўққизта нокаут) ва учта мағлубият қайд этган.