Турон спорти. Ҳамюртларимиз Жаҳон кубогида совриндор бўлишди

Мусобақада 10 дан зиёд мамлакатдан 200 нафарга яқин спортчи иштирок этди. Баҳсларда ўзбекистонлик спортчилар ҳам совринли ўринлар учун кураш олиб боришди. Темирйўлчилар ва "Локомотив" спорт клублари аъзолари ўртасидаги баҳсларда юртимиз шарафини Тошкент темирйўл муҳандислари институти жамоаси вакиллари ҳимоя қилишди. Мусобақада юртдошларимиз 5 та олтин, 2 та кумуш медалга сазовор бўлдилар.

Баҳсларда қатнашган Сарвар Солижонов ET-720 (-75 кг, 19 ёшгача) йўналишида олтин, кўргазмали чиқишда кумуш медални қўлга киритди. Ашурали Раимов жангларда кумуш (-80 кг, 20 ёшдан катталар), кўргазмали чиқишда эса олтин медалга сазовор бўлди.

Сардор Шаҳобов (-75 кг, 20 ёшдан катта спортчилар ўртасида) олтин медалга эга чиққан бўлса, Азизбек Раҳмонов (+80 кг) 20 ёшдан катта спортчилар ўртасида ва кўргазмали чиқишда олтин медални қўлга киритди.