Турсуной Жабборова жаҳон чемпионати совриндори!

Қизлар ўртасидаги баҳсларда иштирок этган ҳамюртимиз Турсуной Жабборова совриндорлар қаторидан ўрин олишга муваффақ бўлди.

-75кг вазн тоифасида юртимиз шарафини ҳимоя қилган спортчимиз даст кўтаришда 96 кг. тошни ўзига бўйсундириб, бронза медалини қўлга киритди. Силтаб кўтаришда эса 116 кг. тош кўтарди ва иккикураш якунларига кўра (212 кг.) ҳам бронза медалига сазовор бўлди.

Ушбу вазн тоифасида олтин медални умумий ҳисобда 255 кг. тош кўтарган эквадорлик Несис Дахомес, кумуш медални эса америкалик Мередит Олвайн (220 кг.) эгаллади. Мазкур йўналишда иштирок этган Гулноза Аҳмедова эса 203 кг. натижа билан еттинчи поғонадан жой олди.

Эслатиб ўтамиз, бунгача ҳамюртларимиздан Адҳамжон Эргашев ва Кумушхон Файзуллаева жаҳон чемпионлигини тантана қилган бўлсалар, Ғайрат Айтмуратов даст кўтаришда бронза медали билан тақдирланганди.