22 окт 20:20
Янгиликлар
Спорт курашлари
U-23 Жаҳон чемпионати. Дониёрхон Накибов эртага бронза медали учун гиламга чиқади
Албаниянинг Тирана шаҳрида спорт курашлари бўйича U-23 ёш тоифасидаги Жаҳон чемпионатининг иккинчи кунги беллашувлари ўтказилмоқда.
Бугун 77 кг вазн тоифасидаги юнон-рум курашчимиз Дониёрхон Накибов ҳам баҳсларга киришди.
Ҳамюртимиз саралаш босқичида норвегиялик Льюдвик Херман Хатландни 8:0, нимчорак финалда америкалик Жеймс Хантерни 7:1 ва чорак финал босқичида венгриялик Тамас Аттила Тоесмагини 9:0 ҳисобида мағлубиятга учратди. Афсуски, молдовалик Александрин Гутуга қарши ярим финал баҳсида Накибов 1:6 ҳисобида имкониятни бой бериб қўйди.
Эндиликда Дониёрхон эртанги кун доирасида мусобақанинг бронза медали учун гиламга чиқади. Унинг рақиби ўтиш босқичидан сўнг маълум бўлади.
Ҳавола :
Манба : olamsport.com
Фикрлар