"У бутун умри давомида шу иш билан шуғулланиб келган". Жейк Пол Эдди Хирнни ёлғончиликда айблади

Аманда Серранонинг агенти Жейк Пол, мижози май ойида Кэти Тейлорни мағлуб этишига ишонгани сабабли Тейлорнинг агенти Эдди Хирн билан гаров боғламоқчи бўлган.

Жанг олди Серрано - Тейлор ўртасида қизғин музокаралар бўлиб ўтди. Хирн Сауль Альварес билан тахминий жанг ҳақида гап кетганида Жейк Полни "ўртача боксчи" деб атаган эди.

Якунда Тейлор Серранони мағлуб этиб, енгил вазнда мутлақ чемпионлик унвонини сақлаб қолди.

ММА Fightingʻга берган интервьюсида Жейк Хирн илк учрашувдан сўнг анча ўзгарганини ва унга ишонч йўқлигини таъкидлади.

"Боксдаги барча инсонлар, жумладан Эдди Хирн хам илоннинг ўзи. У оддий промоутер холос. Бизнес билан шуғулланувчи ёлғончи. Эдди Хирннинг асл юзини кўриш учун бироз вақт керак бўлди. У иккиюзламачи. Хирн менга ҳасад қилади.

Масалан, Серрано - Тейлор жангига пул тикканимизни мисол қилайлик. Тўсатдан саҳнадан кетаётганимда, Эдди ҳақиқатан ҳам пул тикишни хоҳламаётганини эшитдим. Мен янги ёш промоутерман ва ундан яхшироқман. Хирн бутун умри давомида шу иш билан шуғулланиб келаётган бўлишига қарамай менинг платформам уникидан 20 баравар катта", — деди Жейк Пол.

Жейк Пол Хирн гаровни рад этганидан ҳайратда эди. Кейинчалик қоидаларга кўра бу мумкин эмаслиги маълум бўлди. Сабаби промоутерлар ўз жангларига пул тикиши мумкин эмас. Хирн ўша бошидан буни таъкидлаган эди.