"У менга нима таклиф бера олади?" Макгрегор — Шавкат Раҳмонов билан эҳтимолий жанг ҳақида гапирди

— Конор, сен энг кучли жангчилар билан тўқнашишга тайёрлигингни айтдинг. Шавкат Раҳмонов ватандошинг Иан Гаррини мағлуб этди. Агар ҳаммаси режанг бўйича кетса, келажакда у билан жанг қилишинг мумкинми ва у ҳақда қандай фикрдасан?

— У ҳақида биламан. Жиддий жароҳат олган ва ҳозир тикланиш жараёнини бошдан кечиряпти. Шунинг учун бу масалада уни тинч қўяман. Айни пайтда у ҳақда ўйламаяпман. Унинг олдида ҳали жуда кўп иш бор. Қолаверса, у менга нима таклиф қила олади? Титулми? Мен уни рақиб сифатида кўриб чиқишим учун аввало чемпионлик камарини қўлга киритиши керак. Ҳозирча у бунга яқин ҳам эмас", — деди Макгрегор матбуот анжуманида.