"У хатто овқат ҳам ея олмади!". Царукяннинг мураббийи жароҳат ҳақида маълумот берди

У айнан шу жароҳат сабаб Махачев билан жангдан чиққанди. 

"Арманнинг бели ўтган ҳафта сешанбадан бошлаб оғрий бошлаганди. Аммо бу қадар ёмон эмасди. Тана жуда сезувчан ҳолатга келгани сабаб бу пайдо бўлган кўринади. У икки кун дам олди ва барчаси жойига тушганди. Жанг ҳафтаси бошланганида барчаси ажойиб кетаётганди, оғриқ бор эди, лекин Арман барчасини уддалаётганди. Унда жанг қилмаслик фикри хеч қачон бўлмаган. 

Чоршанба кунги машғулотлардан кейин эса у оғриқдан шикоят қила бошлади. Бу йигит хеч қачон бундай қилмасди. Лекин у ҳалиям жанг қилишни истарди. Биз вазн ҳайдашда давом этдик, аммо барчаси ёмонлашди. 

UFC бош шифокори Хантер Кэмпбелл ва шифокор Дэвисон олдимизга келиб, жангни бекор қилиш ҳақида ўйлай бошлашди. Арман ўрнидан ҳам тура олмаганини ҳисобга олсак, жангга чиқмаслик - тўғри қарор эди. У ҳатто овқат ҳам ея олмади. Оғриқ сабабли шунчаки ўз жойида ётарди", - деди мураббий ДаМатта.