Уайлдер Фьюри билан жангга тайёрланишни тўхтатди

Собиқ жаҳон чемпиони Деонтей Уайлдер биринчи марта қўлида жароҳат борлиги ҳақида гапирди. Жароҳат Фьюри билан жангда орттирилган. 

"Тикланиш жараёни яхши кетмоқда. Жароҳатни олдинги жангда орттирган эдим. Муаммо йўқ, ҳаммаси режа бўйича кетмоқда".

Уайлдернинг таъкидлашича қўлидаги жароҳатни операция қилдириши сабаб Фьюри билан кечадиган учинчи жангга тайёргарликни тўхтатган. 

"Ҳозир мен машқ қила олмайман. Тезроқ залга қайтишни хоҳлайман. Менинг севимли ишим, бу - машқ қилиш. Нолимайман албатта, ҳозир мен яқинларим даврасидаман", - деди Уайлдер.

Эслатиб ўтамиз, Фьюри ва Уайлдер ўзаро икки марта баҳс олиб боришган. Биринчи жанг дуранг натижа билан тугаган бўлса, иккинчи жангда Тайсон Фьюри рақибини нокаутга учратиб ғолиб бўлган.