31 май 17:41
Янгиликлар

Бокс/ММА

Уайлдер King Kong билан реванш жанги ҳақида гапирди

Супероғир вазн тоифасида WBC чемпиони Деонтей Уайлдер сентябрь ойида кубалик Луис Ортисга қарши рингга кўтарилади.

Ортис учун бу реванш жанги бўлади. Боксчиларнинг илк жангида Уайлдер ўнинчи раундда рақибини техник нокаутга учратган эди. Лекин еттинчи раундда Деонтейнинг ўзи нокдаунга тушиб қолганди.

"2019 йилда ўзим хоҳлаган, яъни Жошуага қарши жангим ўтказилмади. Шундай бўлишини билардим. Энди нима учун Ортисга реванш учун имконият бермаслигим керак? Ҳозир катта жангни кутиб ўтирсам, вақтим зое кетиб қолади. Мен Жошуанинг биронта гапига ишонмайман. Шундан келиб чиқиб айни пайтда ўзим учун муносиб рақиб деб ҳисоблаганим Ортисни танладим", - дея Уайлдернинг сўзларидан иқтибос келтирмоқда Los Angeles Times.

Маълумот учун, Уайлдер ва Ортис ўртасидаги реванш жанги 7 ёки 28 сентябрь кунлари АҚШнинг Калифорния штати Лос-Анжелес шаҳрида бўлиб ўтади.