Уайлдер: «Усикнинг Жошуа устидан қозонган ғалабаси мени ажаблантирмади»

Оғир вазн тоифасида собиқ жаҳон чемпиони Деонтей Уайлдер Александр Усикнинг Энтони Жошуа устидан қозонган ғалабаси ҳақида гапирди. Америкалик боксчининг сўзларига кўра, Усик биринчи жангларида ўзининг янги вазн тоифасига мослашган, бу унга Жошуани мағлуб этишга ёрдам берган.

«Мени жанг натижаси ҳайрон қолдирмайди. Малик Скотт ҳар доим Усик ва унинг маҳорати ҳақида гапиради. Бундан ташқари, у биринчи оғир вазн тоифасидан чиққан. Сашанинг аниқ муаммолари бор эди. Супероғир вазн тоифасида у Чазз Уизерспун ва Дерек Чисорани енгди, бироқ бу услублар жанги. Александр бу вазиятда шунчаки Жошуани ўқий олди. Ўйлайманки, иккинчи учрашувда у буни яхшироқ ҳисоблаб чиқади»

Уайлдер боксчиларнинг реванш жангидаги имкониятлари ҳақида ҳам тўхталди

«Александр бундан ҳам тезроқ бўлишини айтди ва мен унинг тезлиги бироз ошишига ишонаман. Лекин, барибир бу бокс. Бу содир бўлмагунча биз билолмаймиз», - деди Уайлдер BT Sport Boxing нашрига берган интервьюсида.