Учта матчболдан чиқиб кетган Синякова Наньчанда чемпион бўлди

WTA рейтингида 60-поғонада борган Катержина Синякова мусобақа ғолибига айланди. Чехиялик теннис маликаси 3 соату 33 дақиқа давом этган драматик финалда ватандоши, дунёнинг 29-ракеткаси Мари Бузковани 1/6, 7/6(5), 7/6(4) ҳисобларида мағлубиятга учратди. 

Эътиборлиси, Синякова учта матчболдан чиқиб кетишга муваффақ бўлган. Ҳамюртларнинг ўзаро иккинчи учрашувида ҳам Катержинанинг қўли баланд келди - 2:0. Синякова мавсумдаги иккинчи, фаолиятидаги бешинчи совринни қўлга киритди. У 280 рейтинг очкоси ҳамда 34,228 долларга ҳам эга чиқди. Бузкова 180 очко ва 20,226 долларлик бўлди.