УЕФА Исроилни четлатишга тайёр, аммо...

Бундан аввал УЕФА ижроия комитаси аъзоларининг "кўпчилик" қисми Исроилни четлатиш ғоясини қўллаб-қувватлагани хабар қилинган эди. Қарор бу ҳафта қабул қилинади.

The Guardian маълумотларига кўра, четлатиш ҳолатида Исроил жамоалари фақат УЕФА нуфузли турнирларидан чиқариб юборади – шу тариқа, бу мавсумда Исроилнинг эркаклар ва аёллар терма жамоалари Миллатлар лигасидан четлатилади, "Маккаби" Тель-Авив эса Европа лигасини тарк этади. Европа футболининг бошқарув органи Исроил терма жамоасини ЖЧ-2026 саралашидан чиқаришни талаб қилмайди, чунки бу саралаш ФИФА томонидан ўтказилади.

Ҳозирги вақтда Исроил терма жамоаси 2026 йилги жаҳон чемпионати саралаши I гуруҳида 5та ўйинда 9 очко тўплаб, учинчи ўринда турибди. Келаётган халқаро танаффусда жамоа Италия ва Норвегия терма жамоалари билан ўйнаши керак.