UFC 308 турнирининг бонус соҳиблари эълон қилинди

Оқшомнинг марказий жангида ярименгил вазн тоифаси чемпиони Илия Топурия америкалик даъвогар Макс Холлоуэйни техник нокаут эвазига мағлубиятга учратди. Бу Илиянинг илк чемпионлик ҳимоя жанги эди. Макс эса фаолиятида илк бор нокаут билан ютқазди. 

Ташкилотчилар кечаги оқшомдан бошқалардан ажралиб турган ва бунинг учун мукофотланадиган жангчилар, яъни бонус соҳибларини эълон қилди. Илия Топурия, Хамзат Чимаев, Шарабутдин Магомедов, Матеуш Ребецки ва Миктибек Оролбай кафолатланган гонорардан ташқари қўшимча 50 000 долларлик бонусга ҳам эга бўлди. 

Матеуш Ребецки ва қирғизистонлик Миктибек Оролбай ўртасидаги жанг UFC 308 турнирининг энг яхши жанги деб топилди. Илия Топурия, Хамзат Чимаев ва Шарабутдин Магомедов эса чиройли жанг учун мукофот пулини қўлга киритган.