UFC 312 турнири гонорарлари очиқланди - 24 000 дан 3,342 млн долларгача

Энг катта гонорар кутилганидек ўрта вазнда амалдаги UFC чемпиони Дрикус Дю Плессига тегишли. Жанубий Африка Республикаси вакили 3 миллион 342 минг доллар гонорарга эга бўлди. Дрикус UFC 312 турнирининг марказий жангида ушбу камарнинг собиқ соҳиби америкалик Шон Стриклендни очколар ҳисобига кўра мағлубиятга учратган эи. Шон чемпиондан деярли уч баробар кам гонорар ишлаб олди — 1,032 млн доллар.

Co-main event жангида аёллар минимал вазн тоифасидаги чемпионлик камарини муваффақиятли ҳимоя қилган хитойлик Чжан Вэйли — 2,542 млн, унинг рақибаси Татьяна Суарес чемпиондан деярли саккиз баробар кам ҳақ олди — 332 000 доллар.

Жанги асосий карддан ўрин олган Жейк Мэтьюс 221 000, Ронг Жу 156 000+50 000 бонус, Габриэль Сантос 114 500, Жимми Крут 101 000 долларга эга чиқди. Қолган  жангчилар 24 000 дан 94 000 долларгача оралиқдаги гонорарни қўлга киритишди.