03 июн 09:20
Янгиликлар
Бокс/ММА
UFC 318 турнирига яна бир томошабоп жанг тайёрланяпти
19 июль куни АҚШнинг Нью-Орлеан шаҳрида ММА бўйича UFC 318 рақамланган турнири ташкил этилади.
West Till Death нашрининг маълум қилишича, ушбу турнир доирасида ярименгил вазн тоифасида Лига чемпионлиги учун собиқ даъвогар Диего Лопес истиқболли жангчи сифатида қаралаётган Жин Сильвага қарши баҳс олиб боради. Оқшомнинг марказий жанги эса Макс Холлоуэй ҳамда Дастин Порье ўртасида кечади.
Эслатиб ўтамиз, Лопес ўзининг сўнгги жангини апрель ойидаги UFC 314 турнири доирасида Александр Волкановскига қарши олиб борган ва очколар ҳисобига кўра имкониятни бой бериб, титулни қўлга киритиш имкониятидан фойдалана олмаганди.
Ўша турнирда қатнашган Жин Сильва эса Брайс Митчелл устидан муддатидан аввал ғалаба қозонган эди.
Ҳавола :
Манба : West Till Death
Фикрлар