28 ноя 12:38
Янгиликлар

Бокс/ММА

UFC 324 кардига яна бир қизиқарли жанг қўшилди + ПОСТЕР

2026 йилнинг илк рақамланган турнири UFC 324 24 январь куни АҚШнинг Лас-Вегас шаҳрида ўтказилади.

Промоушен матбуот хизмати ушбу оқшомнинг яна бир жангини расман эълон қилди. Ярим енгил вазн тоифасида британиялик Арнольд Аллен бразилиялик Жин Силвага қарши октагонга чиқади. Ушбу жанг UFC 324 турнири кардини тўлдирди.

Аллен сўнгги жангини ўтган йилнинг июль ойида ўтказиб, ҳакамларнинг якдил қарори билан Гига Чикадзени мағлуб этганди. Бу билан у Макс Холлоуэй ва Мовсар Евлоевдан қабул қилиб олган мағлубиятларини ёпганди. Жин Сильва эса шу йилнинг сентябрь ойида ҳамюрти Диего Лопесга иккинчи раундда техник нокаут эвазига имкониятни бой берган эди. У Лопесга қадар ўтказган бешта жангида муддатидан олдин ғалаба қозонганди.