04 авг 08:40
Янгиликлар
Бокс/ММА
UFC 331 турнирининг асосий жанги маълум — манба
UFC енгил вазн тоифаси рейтингида иккинчи ўринни эгаллаб турган Арман Царукян айни пайтда BMF камари соҳиби бўлмиш бразилиялик Чарльз Оливейрага қарши реванш жангини ўтказади.
Нуфузли Red Corner MMA'нинг Х (собиқ Twitter) ижтимоий тармоқлардаги саҳифасида маълум қилишича, ушбу жанг 19 сентябрь куни АҚШнинг Калифорния штати, Лос-Анжелес шаҳрида бўлиб ўтадиган UFC 331 турнири доирасида ташкил этилади. Маълумотларга кўра, мазкур тўқнашув турнирнинг марказий жанги бўлади.
Эслатиб ўтамиз, Арман Царукян ва Чарльз Оливейра илк бор 2024 йил апрель ойида ўтказилган UFC 300 турнирида ўзаро тўқнаш келишган. Уч раунд давом этган баҳс якунида Царукян очколар ҳисобига кўра ғалаба қозонган эди.
Ҳавола :
Манба : Red Corner
Фикрлар