19 дек 09:51
Янгиликлар

Бокс/ММА

UFC аёллар ўртасидаги қизиқарли жангни тасдиқлади

Енгил вазнда собиқ UFC чемпиони Холли Холм октагонга қайтмоқда.

Америкалик тажрибали жангчи 25 март куни АҚШнинг Сан-Антонио шаҳрида ўтказиладиган UFC on ESPN 43 турнирида россиялик Яна Куницкаяга қарши октагонга кўтарилади.

Эътиборлиси, ҳар иккала аралаш яккакураш устаси ҳам сўнгги жангларида мағлубият аламини тотиб кўришган. 41 ёшли Холли Холм май ойида Кетлин Виейрага, 33 яшар Яна Куницкая ўтган йилнинг июль ойида биринчи раунднинг ўзида техник нокаут билан Ирен Алданага имкониятни бой бериб қўйганди.

Айни пайтда Холли UFC рейтингида 3, Куницкая эса 6-ўринни эгаллаб турибди.