17 май 10:31
Янгиликлар

Бокс/ММА

UFC босслари томонидан яна иккита қизиқарли жанг тасдиқланди + ПОСТЕР

Шу кунларда UFC промоушени раҳбарлари томонидан бир неча қизиқарли жанглар эълон қилиняпти.

Бу сафар Марвин Веттори ҳамда келиб чиқиши чеченистонлик бўлган, ҳозирда Германия шарафини ҳимоя қилаётган Ислам Дулатов иштирокларидаги жанглар расман тасдиқланди. Ўрта вазн (84 кг) тоифасида UFC чемпионлик камари учун собиқ даъвогар италиялик Марвин Веттори АҚШ вакили Брендан Алленга қарши октагонга чиқади.

Ушбу жанг 19 июль куни АҚШнинг Луизиана штати Янги Орлеан шаҳрида ташкил этиладиган UFC 318 турнири доирасида бўлиб ўтади. Шунингдек, промоушен томонидан айнан UFC 318 турниридан ўрин олган яна бир жанг тасдиқланди. Ислам Дулатов UFC`даги дебют жангида америкалик Адам Фьюжиттга қарши октагонга чиқади. Ушбу жанг яримўрта вазн (77 кг) тоифасида ўтказилади.