UFC чемпиони Маккензи Дёрнга илк камар ҳимояси учун жанг берилди

Жанг ўтказилиши ҳақида вазиятга яқин бўлган ишончли манбалар хабар берди.

Маккензи Дёрн 15 август куни Филадельфияда бўлиб ўтадиган UFC 330 турнирида энг енгил вазн тоифасида чемпионлик камарини ҳимоя қилади. Америкалик чемпион аёлнинг рақибаси дивизионнинг кучли бешлигини якунлаб турган канадалик Жуллиан Робертсон бўлади.

Эслатиб ўтамиз, ўтган йилнинг октябрь ойида Маккензи Дёрн вакант камар учун кечган жангда бразилиялик Вирна Яндиробани ҳакамларнинг якдил қарори билан мағлуб этиб, биринчи энг енгил вазн тоифасида янги UFC чемпионига айланганди.

Жуллиан Робертсон эса март ойида Аманда Лемосни очколар ҳисобига кўра мағлуб этиб, кетма-кет бешинчи ғалабасини қўлга киритган эди.

Рақамли тадбирнинг асосий жангида ярим ўрта вазн тоифаси чемпиони россиялик Ислам Махачевнинг октагонга чиқиши кутилмоқда.