UFC чемпиони россиялик фигурали учувчи Валиева ҳақида гапирди

Ўта енгил вазн тоифасида амалдаги UFC чемпиони Алжамейн Стерлинг допинг-тестида тақиқланган триметазидин моддаси топилган россиялик фигурали учувчи Камила Валиева билан боғлиқ Олимпиада можаросини эътиборсиз қолдирмади.

“Вой, қандай ажойиб янгилик. Бундай воқеа бўлади деб ким ўйлаганди! ”, - деб ёзди америкалик Тwitter'да рус қизининг суратини жойлаштирган ҳолда.

Аввалроқ, икки ойдан сўнг Петр Янга қарши реванш ўтказадиган Стерлинг бир неча бор россиялик жангчини допингда айблаган ва бу можаро муносабати билан рақибини ҳам тилга олишни унутмаганди.

"Бу қиз 15 ёшда. Мураббийлар уни бунга ундаганми ёки йўқми, бошқа савол. Мен шуни таъкидлаяпманки, Янни допинг масаласида айбдор қилиш учун барча асосларим бор. Менинг сўзларимни бутун Россияга нисбатан ҳақорат сифатида қабул қиласизми ёки йўқ, бу сизга боғлиқ. Мен бундай фикрдан йироқман. Менинг фикримча, Петр Ян фирибгар”, - дея қўшимча қилди UFC чемпиони.