UFC эгалари Оқ уйдаги турнир туфайли қанча зарар кўргани маълум

Унда UFC White House — Freedom 250 турнирини ўтказиш натижасида юзага келган молиявий йўқотишлар ҳам акс этган. 

«Биз одатдагидан анча юқори харажатларга дуч келдик. Бу харажатларнинг бир қисми глобал ҳамкорлик келишувлари доирасида тарқатилган чипталар ҳисобига қопланди. 

Эслатиб ўтамиз, биз чипталарни сотмадик ва шу сабабли тадбирдан ҳеч қандай даромад олмадик. Мусобақанинг кўламини ҳисобга олсак, кутилганидек, тахминан 30 миллион доллар миқдорида зарар кўрилди. Бу эса ҳам UFC, ҳам умумий ҳисобдаги молиявий маржамизга сезиларли таъсир қилди», — деди TKO молия директори Эндрю Шлеймер.

Дастлаб турнирни ташкил этиш харажатлари 60 миллион доллардан ошиб кетиши кутилган эди. Бироқ UFC томонидан тузилган турли ҳамкорлик келишувлари туфайли якунда бу харажатлар сезиларли даражада қисқартирилди.