UFC фахрийлари Дональд Серроне ва Нил Мэгни 2021 йилни мағлубият билан якунлашди

FURY Pro Grappling 3 турнирида UFC фахрий жангчилари Дональд Серроне ва Нил Мэгни ҳам ўз имкониятларини синовдан ўтказишди. Грепплинг бўйича ўтган оқшомда ҳар икки номдор UFC жангчилари ҳам муддатидан аввал мағлубият аламини тотиб кўришди. 

"Ковбой" Серроне жангнинг 3 дақиқа 17 сонияси ўтиб бораётган бир паллада UFC енгил вазн тоифаси вакили Жо Солекига таслим бўлди. Солеки Дональдни бўғиб қўйди. Мэгни эса Хоаким Сильвага қарши жангда уч дақиқадан камроқ вақт туриб бера олди. Хоаким ҳам бўғиш усули билан Нилдан устун келган. 

Оқшомнинг марказий беллашувида биринчи енгил вазнда собиқ UFC чемпиони Карла Эспарза Даниэль Келли билан тўқнаш келди. Жароҳат сабаб Эспарза жангни якунига етказа олмади ва натижада унга техник мағлубият ёзилди. 

FURY Pro Grappling 3 турнирининг қолган барча натижаларига тўхталадиган бўлсак, Шон Брэди, Клэй Гуида, Ренато Мойкано, Ники Род, Жонатан Пирсма, Алекс Касерес, Коди Хамра, Андре Петроски ва Жиллиан Робертсон рақибларини мағлубиятга учратган.