UFC фахрийси промоушенга 388 000 доллар тўлайди

UFC фахрийси Марк Хант Брок Леснар билан жанги юзасидан судда ютқазди. Хантнинг сўзларига кўра, UFC жанги олдидан допинг қўллаган Леснарни тан олиш учун ўзининг допинг-тест тизимини манипуляция қилиб, штат ва федерал қонунларни бузган. 

Жангчининг промоутерлик шартномасида, агар Хант UFC'ни судга бериб, ишда ютқазса, у ташкилотга адвокатларнинг барча ҳаражатларини тўлаши кераклиги айтилган. Суд Хантдан UFC фойдасига суд харажатлари учун 388 минг доллар ундирилиши ҳақида қарор чиқарди. У бу қарорга эътироз билдирмоқчи бўлди, чунки бир нечта даъволар ҳали кўриб чиқилмаган, аммо шикоят рад этилган. 

Марк Хант 47 ёшда. У ўзининг сўнгги жангини 2018 йил охирида ўтказган ва унда Жастин Уиллисга ютқазган.