UFC Fight Night 198. Энг кўп гонорарга ким эга чиқди? (тўлиқ рўйхат)

Қизиғи шундаки, энг катта гонорар одатга кўра марказий жанг иштирокчиларига тегмаган. Марказий жангда октагонга кўтарилган ва очколар ҳисобига кўра Кетлин Вийерага имкониятни бой берган Миша Тейт 121 минг доллар гонорар билан рўйхатда иккинчи бўлди. Умумий суммадан 110 минг долларини у турнирда қатнашгани учун, қолган 11 мингини бир ҳафта аввал "аванс" сифатида олган эди. 

Оқшомнинг энг катта гонорари Рани Яхьяга насиб қилди. Рани 125 000 долларга эга бўлди. Яхья 52 000 долларни турнирдаги иштироки учун қўлга киритган бўлса, қолган ярмига эса жангдаги ғалабаси сабаб эга чиқди. 

Гонорар миқдори бўйича учинчи ўрин Миша Тейтдан устун келган Кетлин Вийерага насиб этди. У бугунги оқшомдан 106 000 доллар ишлаб олди. Тайла Сантос 98 500, Майкл Кьеза 96 000, Адриан Янез 94 500, Дэйви Грант 78 000, Жоанн Калдервуд эса 71 000 доллар гонорарга эга бўлди.