UFC Fight Night 223 турнирининг барча натижалари битта саҳифада

UFC Fight Night 223 оқшомининг марказий жанги енгил вазн тоифасида хитойлик Ядонг Сонг (20-7-1) ҳамда америкалик Рики Симон (20-4-0) ўртасида ўтказилди ва бешинчи раундда Чин юрти вакилининг муддатидан аввал қозонилган ғалабаси билан якунланди. 

Co-main event жангида ўрта вазн тоифаси вакили, бразилиялик Кайо Борральо навбатдаги ғалабасини қўлга киритди. Бу унинг UFC промоушенидаги кетма-кет эришган тўртинчи ғалабаси бўлди. Бу сафар у иккинчи раундда польшалик Михал Олексийчукни бўғиш усули билан мағлубиятга учратди.

"Рус Рондаси" номи билан танилаётган россиялик Ирина Алексеева лигадаги дебют жангида биринчи раунддаёқ швейцариялик Стефани Эггердан устун келди. Шунингдек, бу оқшомда Родольфо Виейра, Фернандо Падилла ва Маркус МакГилар ҳам муддатидан аввал қозонилган ғалабаларини тантана қилишди.

UFC Fight Night 223 турнирининг барча натижалари:

Ядонг Сонг Рики Симонни техник нокаутга учратди (5-раунд, 1:10)

Кайо Борральо Михал Олексейчукни бўғиб қўйди (rear-naked choke) – (2-раунд 2, 2:49)

Родолфо Виейра Коди Брандэйжни бўғиш усули билан енгди (arm triangle) – (2-раунд 2, 1:28)

Фернандо Падилья Жулиана Эросани техник нокаутга учратди (1-раунд, 1:41)

Маркос Рожерио де Лима Вальдо Кортес-Акостани очколар ҳисобига кўра мағлуб этди (29-28, 29-28, 29-28)

Трей Уотерс Жош Куинланни очколар ҳисобига кўра мағлуб этди (30-27, 30-27, 30-27)

Мартин Будай Жейк Колльени очколар ҳисобига кўра мағлуб этди (29-28, 29-28, 29-28)

Коди Дёрден Чарльс Жонсонни очколар ҳисобига кўра мағлуб этди (30-27, 30-27, 30-27)

Ирина Алексеева Штефани Эггерни оғритиш усули билан мағлуб этди (kneebar) – (1-раунд, 2:11)

Маркус МакГи Жорни Ньюсонни бўғиш усули билан мағлуб этди (rear-naked choke) – (2-раунд, 2:03)

Жейми-Лин Хорт Хайли Кованни очколар ҳисобига кўра мағлуб этди (29-28, 29-28, 29-28)