16 фев 09:56
Янгиликлар

Бокс/ММА

UFC Fight Night 251 турнирининг бонус соҳиблари маълум

Бугун тонгда Лас-Вегас шаҳрида ўтказилган UFC Fight Night 251 турнирининг бонус соҳиблари эълон қилинди.

Жаред Каннонир, Грегори Родригес, Эдмен Шахбазян ва Габриэль Бонфим кафолатланган гонорардан ташқари қўшимча 50 000 долларлик мукофот пулига лойиқ кўрилишди.

Каннонир ва Родригес ўртасидаги турнирнинг марказий баҳси оқшомнинг энг яхши жанги сифатида эътироф этилди. Жаред биринчи раунднинг ўзида икки бор нокдаун ҳолатига тушиб қолганига қарамай, тўртинчи раундда рақибини нокаутга учрата олди.

Шахбазян ва Бонфим эса ёрқин жанг учун бонус қўлга киритди. Эдмен Шахбазян биринчи раунднинг иккинчи дақиқаси ўтиб бораётган бир паллада битта аниқ зарба эвазига Дилан Будкани таслим этди. Габриэль Бонфим эса иккинчи раунд якунланишига икки сония қолганида Хаос Уильямсни бўғиб қўйди.