22 фев 09:46
Янгиликлар

Бокс/ММА

UFC Fight Night 267. Асосий жанг ҳам муддатидан аввал якунланди

Бироз аввал АҚШнинг Техас штати Хьюстон шаҳридаги "Toyota Center" арена мезбонлик қилган навбатдаги UFC турнири ўз якунига етди.

Оқшомнинг асосий жанги ўрта вазн тоифасида собиқ UFC чемпиони Шон Стрикленд ҳамда Энтони Эрнандес ўртасида кечди. Жанг олдидан Шон ўрта вазн рейтингида учинчи, Энтони эса тўртинчи ўринни эгаллаб турганди.

Жангнинг учинчи раундида Стрикленд Эрнандесни кучли ва аниқ тизза зарбаси эвазига мувозанатдан чиқарди. Кейин эса кетма-кет зарбалар ёмғир сабаб муддатидан олдин ғалабасини расмийлаштирди. Бу ҳолатда рефери Херб Динни жангни тўхтатишга мажбур бўлди. 34 ёшли Стрикленд 2023 йилдан бери илк бор жангни муддатидан аввал ғалаба билан якунлади. 32 ёшли Эрнандеснинг эса саккизта жангдан иборат ғалабали серияси барҳам топди.