22 фев 14:19
Янгиликлар

Бокс/ММА

UFC Fight Night 272 турнирининг асосий жанги тасдиқланди + ПОСТЕР

UFC матбуот хизмати 4 апрель куни АҚШнинг Лас-Вегас шаҳрида ташкил этиладиган UFC Fight Night 272 турнирининг асосий жангини эълон қилди.

Оқшомнинг асосий воқеасида енгил вазн тоифаси вакиллари - бразилиялик Ренато Мойкано ҳамда шотландиялик Крис Дункан ўзаро октагонда тўқнаш келади. Ренато ушбу жангга икки мағлубиятли серия билан келмоқда.

Ёдингизда бўлса, Мойкано Ислам Махачевга биринчи раунддаёқ ютқазиб қўйганди. Ўшанда россиялик рақибини бўғиш орқали таслим этган эди. У шунингдек, ҳакамларнинг якдил қарори билан Бенил Дариушга ҳам ютқазган.

Крис Дункан эса аксинча, декабрь ойида кетма-кет тўртинчи ғалабасини қўлга киритди. Сўнгги жангида Терренс МакКиннини биринчи раунддаёқ бўғиб қўйди. Айни пайтда UFC енгил вазн тоифаси рейтингида Ренато Мойкано кучли ўнталикни якунламоқда. Крис Дункан эса ҳали дивизионнинг Топ-15 жангчилари қаторига кирмаган.