21 июн 11:19
Янгиликлар
UFC Fight Night 279 турнирининг бонус соҳиблари маълум бўлди
ММАда мағлубиятсиз одимлаётган ён қўшнимиз Лас-Вегасдаги UFC Fight Night 279 турнирида Мелсик Багдасарянни жангнинг 77-сониясидаёқ мағлубиятга учратди. Муртазали ушбу ғалабаси учун қўшимча 100 000 долларлик мукофот чекини қўлга киритди.
"Оқшом чиқиши" учун иккинчи бонус тадбир хедлайнери, анголалик Манель Капега насиб этди. У потентциал даъвогарлик жангида япониялик Киоджи Хоригучини учинчи раундда техник нокаутга учратди.
"Оқшомнинг энг яхши жанги" иштирокчилари Винишиус Оливейра ва Андре Фили бўлиб, уларнинг ажойиб тўқнашуви иккинчи раунд тугашига тўрт сония қолганида бразилияликнинг техник нокаутлик ғалабаси билан якунланди.
Шунингдек, Навахо Стирлинг, Леван Чохели, Кристиан Родригес ва Беатрис Мескита муддатидан олдин ғалаба қозонгани учун 25 000 доллардан бонус олишди.
Фикрлар