01 июл 19:41
Янгиликлар

Бокс/ММА

UFC жангчиси Нганну қўшимча бонусга эга бўлди

Оғир вазн тоифасида UFC чемпионлик камари учун собиқ даъвогар Фрэнсис Нганну UFC on ESPN 3 турниридаги жанги учун қўшимча бонус олади.

Нганну АҚШнинг Миннесота штати Миннеаполис шаҳрида ўтган UFC оқшомининг марказий жангида собиқ жаҳон чемпиони Жуниор дос Сантосга қарши октагонга чиққан ва рақибини 71 сонияда нокаутга учратган эди.

Фрэнсис ушбу муваффақиятли иштироки учун UFC томонидан қўшимча 50 000 АҚШ доллари миқдоридаги бонусга лойиқ кўрилди. Айнан шунча бонусга Жозеф Бенавидес ҳам эга бўлди. У Жуссьер Формигни нокаутга учратган эди.