26 мар 13:19
Янгиликлар
Бокс/ММА
UFC жангчиси ўзининг янги жангини эълон қилиш асносида Макгрегор - Чендлер баҳсининг қачон ва қаерда бўлишини айтиб қўйди
Ўта енгил вазн тоифасида америкалик UFC жангчиси Коди Дёрден (14-5-1) ўзининг навбатдаги жанги тафсилотларини маълум қилди.
Кодининг сўзларига кўра, у 29 июнь куни UFC 303 турнирида жанг қилади. Унга ўша куни ҳамюрти Карлос Эрнандес (10-5-0) рақиблик қилади.
Қизиғи шундаки, Дёрден ўз жангини эълон қилаётиб, икки вазнда собиқ UFC чемпиони, ирландиялик Конор Макгрегор ҳамда америкалик енгил вазнда собиқ Bellator чемпиони Майкл Чендлернинг бўлажак жангини анонс қилиб қўйди.
"Мен 29 июнь куни марказий жанги Макгрегор ва Чендлер иштирокида ўтадиган UFC 303 турнири доирасида Карлос Эрнандесга қарши жанг қиламан. Олға!", - деди Дёрден.
Маълумот учун, UFC 303 турнири 29 июнь куни Лас-Вегас (АҚШ) шаҳридаги "T-Mobile Arena"да ўтказилади.
Ҳавола :
Манба : olamsport.com
Фикрлар