UFC мағлубиятли сериядаги эски давр спортчиларининг жангини эълон қилди (ПОСТЕР)

Ташкилотчилар мусобақанинг навбатдаги баҳсини эълон қилишди. Ярим ўрта вазн тоифасида фаолият юритувчи 33 яшар бразил спортчиси Висенте Льюке Риодаги турнир доирасида Аргентина вакили Сантьяго Понзиниббио билан тўқнаш келади.

Аввалроқ, мусобақанинг марказий жанги енгил вазннинг бразилиялик собиқ чемпиони Чарльз Оливейра ҳамда Озарбайжон вакили Рафаэль Физиев ўртасида кечишини маълум қилгандик.

Маълумот учун, Висенте Льюке фаолияти давомида 35 та жанг ўтказиб, 23 та ғалаба, 11 та мағлубият ва 1 та дуранг қайд этган. 38 ёшли Сантьяго Понзиниббио ҳисобида эса 30 та ғалаба ва 9 та мағлубият бор. Ҳар икки атлет ўзларининг сўнгги чиқишларида имкониятни бой беришган.