UFC Махачевга қаттиқ «зарба» берди. Улар Исламни энг зўр жангчи номидан «чопишди»

Эслатиб ўтамиз, кечанинг марказий жангида P4P рейтингининг етакчилари Ислам Махачев ва Алекс Волкановски биринчи рақам бўлиш учун жанг қилишди. Бу жанг ғолиби P4P рейтингини бошқариши лозим эди. Ушбу жангда Ислам рақибини мағлуб этди. Жанг якунидан сўнг Ислам энди биринчи эканлигини маълум қилди. Аммо, лекин, бироқ... Бугун ҳаммаси ўзгарди.

Бугун UFC янгиланган рейтингни эълон қилди. Бироқ Махачев биринчи ўриндан жой олмади. Мағлуб бўлган Алекс ҳамон пешқадам эди. Бу эса жуда кутилмаган воқеа бўлди. Чунки Ислам айнан шунинг учун Австралияга Алекснинг уйига келганди. У келажаги учун таваккал қилди, у Хабибдан сўнг рейтинг етакчиси бўлган иккинчи россиялик бўлиши лозим эди. Айнан Волкановски устидан қозонилган ғалаба унга биринчиликни бериши шарт эди. Бироқ унга беришмади, нега???

Сабаблар етарли ҳам бўлиши мумкин. Мисол учун, ҳакамларнинг қарорлари. Баъзи бир UFC юлдузлари айнан Алекс ушбу жангда ғалаба қозонди деб фикр билдирди. Даниэль Кормье, Чейл Соннен ва Жо Роган ғалабани ярим енгил вазн чемпионига беришди. Шунингдек, Алекс ўзининг вазнида жанг қилмади, бироқ енгил вазнда ҳам яхши жанг қилди. Шу сабабли ташкилот ундан биринчиликни олиб қўймаган бўлиши мумкин.

Бироқ танганинг иккинчи томони ҳам бор. Баъзи манбаларда, Ислам ва Уайт ўртасида низо келиб чиққани хабар берилмоқда. Жангга оз муддат қолганида Ислам UFC'ни жангни кам тарғиб қилганликда айблаганди. Бунинг жавобига эса Дана биринчи матбуот анжуманида Исламни исмини унутиб қўйди. Кейин эса уни юртига «тош отган» ҳолда кескин жавоб қайтарди. Умуман олганда, Дана Австралияга умуман ташриф ҳам буюрмади. Бу ҳам Исламнинг пастда қолишига сабаб бўлиши мумкин.

Якуний ва энг ёқимсиз вариант — бу Исламнинг вазн ташлаш маросимидан сўнг фойдаланган дориси бўлиши мумкин. UFC жангчиси Ден Хукер шов-шув кўтариб, Махачевни вазн ўлчаш маросимидан сўнг тикланиш учун томчиларидан ноқонуний фойдаланганликда айблади. Шунингдек, Волкановски Исламнинг фирибгарлигига ҳам ишора қилди ва журналистлар энди доғистонликларнинг фотосуратларида инекция изларини фаол равишда қидирмоқдалар. Шу сабабли ҳам UFC унга биринчиликни бермагандир. Балки промоушен ҳақиқатдан ҳам бир нимани билади. Энди бўёғини вақт кўрсатади. Кўрамиз ва кузатамиз.