UFC on ESPN 64. Промоушеннинг энг ёш ва аксинча энг кекса жангчиларининг баҳси қандай натида билан якунланди?

Эътиборга молик жиҳат шундаки, UFC on ESPN 64 турнири доирасида промоушеннинг энг ёш ва аксинча, энг кекса жангчилари октагонга чиқишди. UFC ростеридаги энг ёш жангчи, мексикалик Рауль Росас Жуниор уч раунд тўлиқ давом этган тўқнашувда Винс Моралесни ҳакамларнинг якдил қарори билан очколар (29–28, 29–28, 29–28) ҳисобига кўра ғалаба қозонди. Ўзининг 17 ёшида UFC лигасида дебют қилган Рауль Жуниор ҳозирда 20 ёшда! Бу Росаснинг ММА фаолиятидаги 11-ғалабаси бўлди. UFC`да кетма-кет тўртинчи жангида зафар қучди. Ҳисобидаги 1 та мағлубият ҳам бор. 

Прелим кард доирасидаги жангда эса аксинча, UFC ростеридаги энг кекса аралаш яккакураш устаси Винс Пичел Рафа Гарсияга қарши октагонга кўтарилди. Енгил (70 кг) вазн тоифаси вакили ҳисобланган Пичел ҳозирда 42 ёшда! Уч раунд тўлиқ давом этган жанг Рафа Гарсиянинг ғалабаси билан якунланди. Уччала ҳакам Рафанинг ғалабаси (30–27, 30–27, 29–28)ни таъминлашди.