30 мар 07:49
Янгиликлар

Бокс/ММА

UFC on ESPN 64 турнирининг асосий жанги тўлиқ давом этди + ФОТО

Теглар : UFC on ESPN 64 Брэндон Морено Стив Эрцег

Бироз аввал Мексика пойтахти Мехико шаҳрида навбатдаги UFC турнири якунига етди.

UFC on ESPN 64 оқшомининг асосий жанги ўта енгил вазн (57 кг) тоифасида Лиганинг собиқ чемпиони, мексикалик Брэндон Морено австралиялик Стив Эрцегга қарши октагонга чиқди. Беш раунд тўлиқ давом этган жангда Морено ҳакамларнинг якдил қарори билан очколар (49-46, 49-46, 49-46) эвазига ғалаба қозонди.

Бу 31 ёшли мексикаликнинг профессионал ММА фаолиятидаги 23-ғалабаси бўлди. Ҳисобида 8 мағлубият ва 2 дуранг ҳам бор. Австралиялик 29 ёшли аралаш яккакураш устаси эса бугун тўртинчи мағлубиятини қабул қилиб олди. Ҳисобида 12 ғалаба ҳам бор.

Эслатиб ўтамиз, Морено бундан аввалги жангини ўтган йилнинг ноябрь ойида Амир Альбазига қарши ўтказиб, очколар ҳисобига кўра зафар қучганди. Эрцег эса 2024 йилнинг август ойида Кая Кара-Франсга техник нокаут эвазига ютқазиб қўйган эди.