03 авг 11:48
Янгиликлар

Бокс/ММА

UFC on ESPN 71. Бонуслар иккита "Энг яхши жанг" учун берилди

Теглар : UFC on ESPN 71 Крис Дункан Матеуш Ребецки

Бугун Лас-Вегасда ўтган UFC on ESPN 71 турнирининг бонуслари, яъни кафолатланган гонорардан ташқари қўшимча мукофотлари одатдагидек ўзгачароқ аниқланди.

Ташкилотчилар тўртта 50 000 АҚШ долларилик бонусларни иккита энг яхши жанг иштирокчиларига тақдим этишди. Бу сафар ёрқин жанг кўрсатган аралаш яккакураш усталари бўлмади.

Co-main event жанги иштирокчилари Крис Дункан ва Матеуш Ребецки қонли жанг уюштириб беришди. Ушбу тўқнашув "Йил жанги" бўлишга номзод сифатида қаралмоқда. Ҳар икки аралаш яккакураш устаси жангдан кейин шифохонага олиб кетилган.

Шунингдек, Эстебан Рибович ва Элвис Бренер ўртасидаги баҳс ҳам бугунги турнирнинг энг яхши жанги деб топилди. Енгил вазнлилар 123 тадан аниқ зарба йўллай олишди. Рибович барча 9 та тейкдаунлардан қутулиб қолди ва якунда ҳакамларнинг якдил қарори билан ғалаба қозонди.